由二人組合農夫︰陸永（6永）、鄭詩君（C君）夥拍胡敏芝（Karen）主持的旅遊文化節目《旅行最緊要近》，逢周四晚九點三十五分及周五晚九點半TVBPlus（82台）播映。三人本住坐熱氣球不一定要到土耳其的宗旨，以一小時生活圈為出發點，沿住高鐵線食玩買盡大灣區城市，尋找日本、泰國以外的平替，用最低消費，獲最高享受。

　昨晚陸永（6永）、鄭詩君（C君）及胡敏芝（Karen）繼續廣州之旅，他們跳出平日慣常的大魚大肉，品嚐禪意盎然的素食。這間屬天花板級數的素菜館，一道「荷葉荔枝甜品」菜式便嚐盡人生百味的甜酸苦辣。當然農夫不會放過任何搞爛gag機會，「冬瓜汁」變「Don’t瓜汁」，搞到Karen不懂做反應。接下來介紹的甜品omakase非常精彩，共提供9款甜食。席間店長噴上的「糯米雞味」噴霧，更是拍案叫絕，用了荷葉的提取調配而成。今集壓軸登場的高級潮汕火鍋，加拿大象拔蚌、生醃蝦都只屬頭盤，特色是三色火鍋，配包括︰葵花雞、水鴨、道龍魚，重點是有「豬花膠」之稱的豬板根，有養顏作用。

　今晚（13日）三人介紹鑽石級的潮州菜，C君表示︰「以前打冷較平民，而家越早越高級，而家越嚟越多精緻又貴嘅菜式。」Karen笑言平常只會食鹵水一類打冷，海鮮類較貴所以免問。今趟她獲農夫加持，一次過試勻多款名貴潮州菜︰海鮮冬瓜燕窩花膠、潮式酸辣花膠、拆肉魚羹花膠、生腌拼盤、雞汁布仔豆腐、百花蝦滑炸雞翼、花椒焗膏蟹、弋飯及鹹雜。

　C君透露跟陸永對潮州菜情有獨鍾，他說︰「有一次唔知點解咁豪，我哋以前好窮，到後來開始從事娛樂行業，開始搵到同大家返工差唔多嘅月薪。試過一次出埠做嘢，忍唔住喺機場潮州菜館，臨上飛機前，食咗隻兩千幾蚊嘅凍蟹。」6永憶述拍檔C君第一次出糧，亦跟凍蟹有關，他說︰「嗰份係佢做嘅第一份工，佢第一次出糧，就請我食凍蟹。」Karen笑言二人跟凍蟹似乎頗有淵源，卻被C君取笑︰「你淨係睇到我同凍蟹淵源，有無睇到我對朋友幾好呀，第一次出糧就請朋友食嘢，你第一次出糧有無請我食吖。」正當Karen不知所措時，6永解圍表示外婆是潮州人，非常喜歡用豆醬煮餸，他說︰「豆醬喺潮州菜中非常重要，佢幾乎煮乜嘢餸，掉啲落去，就已經好好味。」C君亦不輸蝕，講起祖母喜歡每道菜都落蕃茄汁，取材自某大型連鎖快餐店，非常搞笑。◇