以網絡、愛情、港式癲狂幽默貫穿舞台劇《獨腳絲打噏の難道手機冇電才去愛》，蝦頭楊詩敏將施展渾身解數，帶觀眾穿梭虛擬與現實，笑爆男女關係喺科技下嘅荒謬日常，港式荒誕，既瘋狂又真實，難道熄咗部手機才會重啟心跳？

　蝦頭七月十日於開騷前夕，以AI機械情人造型，聯同導演海潮及藝術顧問張錦程，現身藝術中心壽臣劇院，進行終極綵排，準備發放愛的力量。蝦頭表示，今次在劇中有很多新嘗試，當中會坦承與觀眾分享感受，相信大家能有一番體會。對於今次的AI機械情人造型，在服裝設計上，蝦頭自己亦有給予設計師意見，蝦頭說：「我咁大個女都冇試過着緊身衣出嚟演出，算係幾大突破，好多朋友見到我瘦咗，其實我冇刻意減肥，想俾觀眾見到一個輕巧嘅蝦頭。」在演出上，蝦頭亦首次以個人貫梭形式演繹，同時更有互動環節。

　《難道手機冇電才去愛？!》延續「獨腳絲打噏」系列風格，以港式荒誕劇情，既瘋狂又真實地呈現現代戀愛困境。蝦頭將再次以她獨有的幽默感，與觀眾來一場兩小時的「浪漫約會」。今次演出由蝦頭親自擔任文本創作及主演，並由海潮執導，張錦程擔任藝術顧問，蘇子情監製，小金鹿娛樂主辦。強勁陣容保證作品質素，勢必為觀眾帶來驚喜連連的劇場體驗。

　演出日期、時間及地點：

　香港藝術中心壽臣劇院

　2025年7月11-13日，15-20日晚上8:00

　2025年7月12-13日，19-20日下午3:00

　票價：$598/$498◇