追夢從來沒有年齡界限！陸海悠（Hazel）在4歲初接觸K-pop音樂，一聽便迷上跳唱歌曲，「我細細個媽咪已經畀BLACKPINK嘅片我睇，已經好鍾意，好想好似佢哋上到台咁有自信！」5歲時，Hazel由小歌迷變成醉心演出的表演者，小小年紀更定下做跳唱歌手目標，在父母悉心栽培，只要不影響學業下，讓Hazel得到專業導師指導唱歌和跳舞，「唱歌跳舞時，我真係好開心，睇到BLACKPINK同BABYMONSTER唱歌時跳舞，完全唔會喘氣，我都想好似佢哋咁唱歌咁好聽，跳舞又可以咁好睇。」

　Hazel在8歲時開始挑戰創作歌曲，今年9歲終以甜美嗓音演繹首支作曲填詞英文單曲《Cotton Candy Dreams》。新歌靈感源自她對甜蜜夢想的渴望，「想畀大家知道無論你鍾意畫畫、跳舞或者唱歌，無論鍾意任何嘢都要繼續追夢，希望每個聽到這首歌嘅人，都能夠好似棉花糖一樣甜甜咁微笑！」《Cotton Candy Dreams》MV中，Hazel以治癒笑容演繹可愛童趣內容，絕對能帶給歌迷超溫暖感覺。首次拍攝MV過程，令Hazel相當難忘，「都有小小辛苦，譬如冇乜時間食嘢，會好肚餓。」不過MV講述Hazel跟朋友在波波池玩，可以寓工作於玩樂，輕易忘記「飢餓感」，「MV喺波波池度拍，大家真係喺度玩得好開心，完成唔似做緊嘢。」

　多才多藝的Hazel，從6歲開始學習唱歌和舞蹈，擅長Jazz Funk、K-Pop等各種風格，Hazel早前在啟德體育園開幕禮上，更有機會與內地天后李宇春演繹《和你一樣》時同台合唱。Hazel曾在接近50個唱歌及跳舞比賽奪獎，當中還有多個冠軍，但Hazel目的只為挑戰自己，「參加比賽我唔會好驚，好想評判話畀我知自己表演得好唔好，我好鍾意企喺舞台上面。」去年Hazel成功衝出香港，在日本東京舉行《Global Arts Sports & Culture Association Sing Contest》奪得亞軍；今年4月又先後在韓國KBS電視台的練習生活動《해외연수생》，以及代表香港到首爾《IVEX studio》演出《The Future Idol Stage》，對於成功衝出香港登上日本和韓國舞台，Hazel可愛表示，「好開心去外地參加比賽和演出，是個很難得經驗，仲可以同爹哋媽咪順便去旅行，嗰次去日本比賽仲啱啱遇着聖誕節，周圍都好靚，一家人玩得好開心。」◇